പ്രകൃതം

അടിവേരിൽ ഉറച്ചു നിൽക്കുമീ മരങ്ങളും അതിഥിയായിയെത്തുമോരോ തിരകളും

നിവർന്ന് നിൽക്കുമീ ആണിയാം മലകളും

നിറഞ്ഞും തെളിഞ്ഞുമൊഴുകും നദികളും കണ്ടുകണ്ടങ്ങനെ പടിഞ്ഞിരിക്കെ,

കുടഞ്ഞെണീല്പ്പിച്ചു നാഥനെന്നെ !

അമ്മതൻ ഉദരത്തിൽ വിജയബീജത്താൽ 

അള്ളിപിടിച്ച് അമ്മയെ ഊറ്റി

പാകമായി; പിന്നെ ഈടുവഴി കടന്ന് 

പുറത്തുചാടി; കിടന്നും ഇരുന്നും 

നടന്നും വളർന്ന, എന്നിലെൻ ദൃഷ്ടി

ഉടയ്ക്കാതെ, ദൃഷ്ടാന്തം തിരയുമീ

ഞാനെന്തു വിസ്ഢി ദൈവമേ!

                                         Murshitha. K

                                         M. A 2nd year