അവൾ

 

വെയിലേറ്റ് വാടിത്തളർന്ന് മയങ്ങുന്ന

അച്ഛനെ തഴുകും മകളാണവൾ

കളിചിരി യോടൊപ്പമടികൂടിയോടുന്ന

ഏട്ടൻ്റെ അനിയത്തി പ്രാവാണവൾ

പിരിശം തുളുമ്പുന്ന പ്രാണ പ്രിയനെന്നും 

താങ്ങായി തലോടുന്ന സഖിയാണവൾ

മാണിക്യക്കല്ലാം മക്കളെയെന്നെന്നും 

മധുരമൂട്ടും മാതൃ സ്നേഹമവൾ

അവളെന്ന വാക്കിലായ് ദൈവമൊളിപ്പിച്ച സ്നേഹം തളിർക്കുന്ന മലരാണവൾ

നിലാവ്

 

എൻ നൊമ്പരത്തിന്റെ 

കറ വീണ നൂലിനാൽ

ഈ രാത്രിയിത്രമേൽ ഇരുണ്ടതായി

എൻ മൗനത്തിന്റെ

നോവിനാൽ തന്നെയാ

രാവിന്നുമിത്രമേൽ നിശബ്ദമായി

എൻ ഹൃദയത്തിൻ 

വിശാലത കൊണ്ടിതാ

ആകാശമിത്രമേൽ പരന്നതായി

എൻ കൊച്ചു സന്തോഷം

പൊട്ടിത്തെറിച്ചന്ന്

മാനത്തെ നക്ഷത്രമായി മാറി

എൻ പൊൻകിനാവുകൾ 

ചേർത്തുവെച്ചിന്നിതാ 

ഈ നിലാവിത്രമേൽ വെണ്മയേറി

എൻ കിനാക്കൂട്ടിലെ

കിണ്ണത്തിൽ ചാലിച്ച

വർണ്ണത്താൽ തീർത്തൊരു പൊൻ നിലാവ്

                                Shirin fairooz

                 BA AFZAL UL ULAMA SECOND YEAR