നിലാവ്

 

എൻ നൊമ്പരത്തിന്റെ 

കറ വീണ നൂലിനാൽ

ഈ രാത്രിയിത്രമേൽ ഇരുണ്ടതായി

എൻ മൗനത്തിന്റെ

നോവിനാൽ തന്നെയാ

രാവിന്നുമിത്രമേൽ നിശബ്ദമായി

എൻ ഹൃദയത്തിൻ 

വിശാലത കൊണ്ടിതാ

ആകാശമിത്രമേൽ പരന്നതായി

എൻ കൊച്ചു സന്തോഷം

പൊട്ടിത്തെറിച്ചന്ന്

മാനത്തെ നക്ഷത്രമായി മാറി

എൻ പൊൻകിനാവുകൾ 

ചേർത്തുവെച്ചിന്നിതാ 

ഈ നിലാവിത്രമേൽ വെണ്മയേറി

എൻ കിനാക്കൂട്ടിലെ

കിണ്ണത്തിൽ ചാലിച്ച

വർണ്ണത്താൽ തീർത്തൊരു പൊൻ നിലാവ്

                                Shirin fairooz

                 BA AFZAL UL ULAMA SECOND YEAR