പ്രവാസം

പണിയെടുത്ത് പണം വാരാമെന്ന മോഹം !

പാറി പറക്കുന്ന വിമാനത്തിലേറ്റി

പകലിന്റെ പണിയിൽ പാടു പെടുമ്പോഴും 

പരാതികളില്ലാതെ......... 

പരിഭവം മൊഴിയാതെ.......

ആരുടെയൊക്കെയോ സ്മരണാർത്ഥം 

പുഞ്ചിരി തൂകി.......... 

നിശാ പുഷ്പങ്ങൾ പോലും 

മയങ്ങുമ്പോൾ കേറിവരുന്നവന്, 

ഉറ്റവരുടെ ധ്വനികൾ ആശ്വാസമേകുമെങ്കിലും 

അവരുടെ വേദനകളിൽ നീറിപ്പുകഞ്ഞു 

പുറമെ പുഞ്ചിരി തൂകുന്നു.... 

പാതി മയക്കത്തിൽ, 

പണിത വീടും, ഉറ്റവരും കൂട്ടിനുണ്ടേലും 

അരണ്ട വെളിച്ചത്തിന്റെ 

വേലി കെട്ടുകൾക്കിടയിൽ തന്റെ സ്നേഹത്തെ 

ഒതുക്കിപ്പിടിച്ച്, തലയിണയെ കെട്ടിപ്പിടിച്ച്, 

നെടുവീർപ്പിടുമ്പോൾ.................

 അടുത്ത പുലരിയുടെ 

സംഘട്ടനങ്ങളിൽ വലിഞ്ഞുമുറുകി, 

മറ്റുള്ളവർക്ക് അർപ്പിക്കേണ്ടി വരുന്ന ജീവിതം 

                                

                                       Nada sherin. K

                           MA Afzal ul ulama first Year